The Hill Abin Blawearie                                                 © Muir/Scott



A'd bide a day bit niver stay,

Ower mony times tae mention.

And maybees A’ neglecteed you,

Which wasnae ma intention.

Though oo've been apairt a while again,

Though oo'r gei tei’rd n' teary,

What's ne'er been lost can aye be fund,

On the hill abin Blawearie.



Now a'm no yin for floory talk,

Or prone ti airs n' graces.

A'll no pretend ti suffer fools,

A’ say it ti their faces.

But when it comes ti lovin' you,

There's ne’er a soul mair cheery.

Words dinna maiter ony mair

On the hill abin Blawearie.


Oo’ve traivelled fer in mony wei’s,

Hed oor saiprait journies.

N’ though they seemed the wei ti gaun,

Whiles a’ hink they wurnae.

For a’ the roads thit oo’ve been doon,

A’ hev anither theory –

However long they aw lead tae,

The hill abin Blawearie.


So take us ti the higher grund

On the hill abin Blawearie.

It's heaven's gate wi' heather crooned,

The hill abin Blawearie.

In a' the wurld there's ne'er a place,

For mei ti feel sae near ee.

Ever mair ti yow a’m bound,

On the hill abin Blawearie.