The Dusty Road (Frae Philhope Brig tae Hame)

Neil Jackson 2015©
                              
Doon the Borthwick Valley, frae it’s heid in hills o pine,       
Lies a ferm abuin the burn, that’s aye a hame o mine.
It’s people may hev come n gone, but much has stayed the same,
A see it now, the Dusty Road frae Philhope Brig tae Hame.

Surrounded by the hills o “Bald, Lodge n The Hope Heid”
Lies the ferm o Philhope, where as a bairn a played.
Huntin, Fishin, Swimmin, that was how oo spent oor days
We walked, at length, That Dusty Road frae Philhope Brig tae Hame.

That quarter mile frae road tae hoose, the daily slog frae schuil,
The fun o used tae hev in the rapids and the puils.
No matter where ma feet may roam, in wilds or in tame,
A’ll ne'er forget, The Dusty Road frae Philhope Brig tae Hame.

When the dust has settled, and the past has gone frae view,
The stories it could tell o the people passing through.

A score n five year passes quick and as a visit now,
The trees are thick, the hedges grown, and not so much to plough.
As years have sent her back tae wild, ma memories are framed,
Shes in ma heart, That Dusty Road frae Philhope Brig tae Hame.